Sual: Qüdsi hədislə hədis arasanda fərq nədir? Həmçinin, Quranla Qüdsi Hədis arasında fərq nədir?

Cavab: Qüdsi Hədis Peyğəmbərin (sallallahu aleyhi və səlləm) Allah Azzə və Cəllədən Allah Təalanın Öz Kəlməsi və Öz mənası ilə rəvayət etdiyi hədisdir. Qüdsi olmayan hədisin mənası Allah-Təaladan olan vəhydir və sözləri isə Allah Rəsulunundur. Necə ki, Allah-Təala buyurur:

“3- O, öz istəyi ilə danışmır.

4- Bu, ona təlqin edilən bir vəhydir”.[1]

Quranla Qüdsi Hədis arasında bir sıra fərqlər var:

Birincisi: Quran möcüzədir və qüdsi hədis isə ləfzi etibarilə möcüzə deyil.

İkincisi: Quranın tilavəti ibadətdir, lakin qüdsi hədisi tilavət etmək ibadət deyil.

Üçüncüsü: Quran mütəvatirdir, lakin qüdsi hədisin mütəvatir olması heç də vacib deyil.

Dördüncüsü: Qurana yalnız dəstəmazlı halda toxunmaq lazımdır, lakin qüdsi hədisə dəstəmazsız da toxunmaqda bir xəta yoxdur.

[1] ən-Nəcm,3.