Hamilə ikən qadını boşamaq      


Sual: Mən gənc bir qadınam. Ərim məni bir ay hamilə olduqda boşadı, sonra boşanmadan bir ay keçmiş geri götürdü. Sonra bizdə yenə ailə zəminində problemlər oldu və o məni təkrar boşadı. Həmin vaxt mən altı aylıq hamilə idim. Sonra o məni geri götürdü, sonra səkkiz aylıq hamilə olduqda məni təkrar boşadı. Bu halda boşanmanın hökmü nədir?

Cavab:

Həmd Allaha məxsusdur.

Hamiləlik zamanı baş verən boşanma etibarlı (səhih) sayılır və boşanma baş vermiş hesab edilir. Əgər bir kişi öz zövcəsini qadın hamilə ikən boşayırsa, qadının iddəti (gözləmə müddəti) doğuşa qədər davam edir. Kişi zövcəsini hamiləlik dövründə geri götürə bilər. Əgər hamilə olduğu zaman ikinci dəfə boşayırsa, boşanma baş vermiş sayılır. Əgər kişi onu geri götürüb sonra hamiləlik əsnasında təkrar boşayısa bu halda da boşanma gerçəkləşir. Artıq bu halda qadın geri götürülməyəcək qədər boşanmış sayılır. (Allahın qədərilə) başqa birisi ilə ailə qurub sonra da işdir boşanarsa yalnız bu halda təkrar (əgər istəyərsə) birinci ərinə ərə gedə bilər.

QEYD: Üçüncü dəfə boşanma baş verdikdən sonra qadın birinci ərinə qayıtmaq üçün bu məqsədə nail olmaq üçün digər bir kişiyə ərə gedib sonra ondan məqsədli şəkildə boşanarsa bu cür etmək haramdır.

Bəzi insanlar adətən belə düşünürlər ki, hamilə qadını boşamaq boşanmadan sayılmır, lakin bu fikrin heç bir əsası yoxdur.

İbn Abbas, (Allah ondan razı olsun), demişdir: Əgər bir kişi qadını hamilə ikən onu bir və yaxud iki dəfə boşayarsa doğuş baş vermədikcə qadını geri götürmək üçün haqqı daha çoxdur. Bunu Allah Təala buyurur: “Boşanmış qadınlar üç heyz müddəti gözləməlidirlər. Əgər Allaha və Axirət gününə iman gətirirlərsə, Allahın onların bətnində yaratdığını gizlətmək onlara halal olmaz. Əgər bu müddət ərzində onların ərləri barışmaq istəsələr, onları qaytarmağa daha çox haqlıdırlar.” [əl-Bəqərə 2:228]. Bunu İbn Cərir əl-Təbəri “Təfsir”ində (2/448) və Beyhəqi (7/367) rəvayət edir.

Şeyx ibn Bəzə, Allah ona rəhmət etsin, belə bir sual ilə müraciət edirlər: Hamilə qadını boşamaq icazəlidir?

Cavab: Hamilə qadını boşamağa heç bir maneə yoxdur. Peyğəmbər (Ona Allahın salavatı və salamı olsun) Abdullah ibn Ömərin (Allah ondan razı olsun) zövcəsi aybaşı ikən onu boşadıqda belə demişdir: “Onu geri al və təmizlənincəyə, sonra aybaşı olub təkrar təmizlənincəyə qədər onu saxla, sonra aybaşı olub təmizlənincə onunla yaxınlıq etməzdən və yaxud o hamilə qalmamışdan öncə istəyirsənsə onu boşa. Fətəvə İsləmiyyə

Şeyx ibn Üseymin, Allah ona rəhmət etsin, demişdir:

Qəribəsi budur ki, adi kütlədən bəziləri düşünür ki, hamiləlik zamanı boşanma sayılmır. Lakin mən bilmirəm onlar bu fikri haradan götürüblər. Hamiləlik əsnasında boşanma sayılır Hətta kişi zövcəsi ilə qadın hamilə ikən cinsi yaxınlıq edib cənabətdən qüsl almazdan öncə boşayarsa boşanma yenə də sayılır. Deməli, hamilə qadının boşanması boşanmanın ən qəti növlərindən biridir. Əl-Liqa əl-Şəhri, 3/495

Ən doğrusunu Allah bilir.