Tərkibində alkoqol olan ətirləri istifadə etmək     

Tərkibində alkoqol olan ətirləri istifadə etmək olarmı?

Allaha həmd olsun.

Kolonya (zəif parfüm) və ya alkoqollu ətrlər haqqında daha ətraflı danışmağa ehtiyac var. Əgər alkoqolun faizi azdırsa, məsələn 5% və ya az, o zaman onu istifadə etmək olar

Əgər alkoqolun faizi iyindən hiss ediləcək dərəcədə yüksəkdirsə, o zaman onu ehtiyac olan hallar çıxmaq şərtilə (məsələn yaraları serilizə etmək üçün və ya bu kimi məqsədlərdə) istifadə etməmək məsləhətdir,.

Ehtiyac olmayan hallarda bunlardan istifadə etməmək daha məsləhətdir, lakin biz deyə bilmərik ki bu haramdır. Daha dəqiq desək, yüksək alkoqol tərkibləri sərxoşedicidir və bu şübhəsizdir ki, sərxoşedicilərin qəbul edilməsi İslama görə və alimlərin fikrincə haramdır, lakin bunların içkidən başqa digər məqsədlər üçün istifadə olunması mümkündürmü? Bu isə ixtilaflı movzudur və buna görə hər ehtimala qarşı istifadə olunmaması daha məqsədəuyğundur.


Beləliklə, əgər bu movzuya Qurandakı: “Ey iman gətirənlər! Şübhəsiz ki, sərxoşedici (içki) də, qumar da, (tapınmaq məqsədilə) dik qoyulmuş daşlar da, fal oxları da şeytan əməlindən olan murdar şeylərdir. Bunlardan çəkinin ki, bəlkə nicat tapasınız. Həqiqətən, şeytan sərxoşedici (içki) və qumar vasitəsilə sizin aranıza ədavət və kin salmaq, sizi Allahı yad etməkdən və namazdan ayırmaq istəyər. Siz (buna) son qoyacaqsınızmı?” (Maidə 5: 90-91 ) ayələri ilə baxsaq “Bunlardan çəkinin ki, bəlkə nicat tapasınız.” sözlərini əsas götürərək ümumi mənaya fikir verməliyik və onun içki və ya dəriyə və ya digər hallar üçün istifadə olunmasından asılı olmayaraq alkoqoldan bütün hallarda istifadə edilməsində çəkinməliyik.

Əgər səbəbini araşdırmaq istəsək, Allah buyurur: “Həqiqətən, şeytan sərxoşedici (içki) və qumar vasitəsilə sizin aranıza ədavət və kin salmaq, sizi Allahı yad etməkdən və namazdan ayırmaq istəyər. Siz (buna) son qoyacaqsınızmı?” Bu o mənada işlənir ki, onu yalnız içilməsi qadağandır, çünki onun dəriyə vurulması ədavətə, kinə və s. gətirmir.

Beləliklə yekunda qeyd etməliyik ki, əgər ətirdə alkolqolun faizi azdırsa, narahatçılığa əsas yoxdur, lakin əgər yüksəkdirsə bundan cəkinməsi və ehtiyac çərçivəsində (yaraları serilizə olunması və s.) istifadə edilməsi daha məqsədəuyğundur.

İbn Useymin, “Liqa’ əl-Baab əl Maftu”, 24